以前去過橫濱同迪士尼隔離個 outlet ，今次終於到去埋輕井澤個 outlet 啦！！！
估唔到原來咁方便，一出輕井澤個 JR 站已經係個 outlet 。 呢個 outlet 夠晒大，分咗東西翼，我就覺得比之前兩個好行啲，可能係中間有個大花園，感覺上行都行得舒服啲，無上嗰兩次行到頭暈的感覺 。而家已經Decorate晒啲聖誕樹播晒聖誕歌，都好有氣氛 。
有個公園隔住兩邊，都行得幾舒服 。
第一件事當然去個服務中心攞張 map 先，然後同阿 P 將先前去輕井澤銀座買的嘢鎖晒喺 locker (300 yen) ，咁就行得好舒服 。 我哋一齊 lock 定咗目標，當然先掃 Agnes ’ b ，間鋪雖然賣減價貨，但都無乜 outlet feel ，好鬼好行，不過略嫌 Accessory 唔夠多，但都買到條超靚電話繩，都係舊幾水 。阿 P 喺 AFTERNOON TEA 掃咗幾隻雕花好鬼靚的香檳杯 ，佢話香港買香檳杯好貴，要來聖誕開 P用 。
呢個 outlet 同其餘行過的唔同，係日本牌子唔算多，反而最犀利係勁多大牌子，我哋仲行埋 See by Chloe 、 Amari 、 D&G 同 Paul Smith ， 仲有 Rebecca Taylor 等，有啲衫同鞋都減得勁多，多數都係夏天款；啲大褸都好靚，不過減咗講緊都要兩三萬 Yen ，諗吓啲而家 yen 去到 8 幾咁離譜，碌埋卡仲唔著數，計落好似好唔抵，我同阿 P 都話等 Yen 跌番先再嚟掃過，阿細妹今次miss咗，佢話約埋過年一齊再嚟 。
我地得兩粒鐘時間，行咗唔夠一半，我哋 skip 咗好多無咁想睇的牌子，但最想 target 的都大致行咗。 而家仲爭御殿場個 outlet 未去過，希望下次可以去埋啦 。
出咗 JR 輕井澤站行幾分鐘就到 OUTLET
呢間 ADIDAS CONCEPT STORE 係賣新貨，隔離間 OUTLET STORE 先有平嘢，而家四圍仲擺晒聖誕樹
可能我去嗰日係閒日， OUTLET 唔算多人
YEAH ！！用咗百幾蚊就買到呢條電話繩！
登入