波蘭遊Great Masurian Lake(二)

第一日我地由Gizycko開船去Sztynort Duzy，途中經過canal同小鎮，最開心係黃昏嘅時候，我地隨風航行，四周靜到只有風聲同鳥叫，大家都爭住住船頭歎住涼風睇日落，超爽。




夜晚我地自己0係船上面煮0野食，隔離船的當地人仲送0左一大碟前煎魚俾我地，超級好味。


第二朝一起身，我地自製三文治做早餐，一早起身走出船艙就見到天鵝，估唔到可以一邊食早晨一邊餵天鵝，真係好耐都未試過0甘悠閒。




之後我地又慢慢航行，0個日超好天，0的湖水反映到個藍天，真係湖天一色，靚到死。不過最慘係我地遊湖嘅時候天氣唔係好熱，0的湖水好凍無得落水游，唯有趁中午太陽猛嘅時候，瞓0係甲板曬太陽。下晝我地又上岸去參觀第二次世界大戰時期德軍0係波蘭起嘅巢穴，夜晚返到碼頭泊好船，仲去餐廳食波蘭菜，飲甜菜頭湯同食鮮魚添。