雖然韓國won好低, Psycho到韓國都 沒有勁shopping.
(我唱錢係188, 宜家升咗少少, 今日係165.)
只有一晚出明洞晚飯時, 我才有機會逛逛街.
只有個半鐘, 好趕. 見到啱, 就即刻買, 無時間諗.
1.86就留响車度睇電視等我.
因為 Psycho同1.86都知, 如果我要佢一齊行街, 佢實會無耐性, 趕住趕住咁, 搞到我無晒mood,
最後Psycho就會嬲; 所以我哋已經約好個半鐘為限, 行完街我就返去停車場搵佢.
除咗小小手信之外, Psycho只買咗兩樣嘢俾自己. 都係用喺頭髮到.
一樣係髮夾.
1000won咋, 即係 $5.3, 好抵, made in Korea, 唔係中國貨. 而且好靚. 超鍾意呢!
** 復活節, Psycho去深圳玩時, 見到一間賣韓國飾物嘅店舖, 有隻好類似嘅頭夾, 賣到 RMB$128呢.
嘩! 廿幾倍??? 真係傻傻哋!
另一樣Psycho買俾自己嘅係洗頭水.
新出架 (紅色果pack), 好鬼重, 但香港未有, 要買.
其他兩pack travel sets, 順手又貪得意, 買埋.
其實好想買衫, 可惜無時間慢慢睇呢.
因為1.86同所以男人一樣, 唔鍾意逛街shopping;
重有, 去shopping就一定要有目的; 每次我話要go shopping, 佢一定問要買咩......
唔行吓, 又點知要買咩呀, 大佬!
好似隻髮夾咁, 唔行又點會買到喎. 唔通買嘢, 只可以買 必需而又急用嘅物品呀?
所以返香港果晚, Psycho個心... 一路就諗住duty free, duty free呀...
要作最後衝刺!
登入