成日聽人講,印度值得去,不過去一次就夠晒.
今次,我終於諗到點解要去印度,俾我搵到樣至激的ZIPWIRE飛天,我真係覺得去多幾次都OK喎!
我就係喺飛機裡面本雜誌,睇到張類似的相,所以搵到藉口去印度架!
呢度係拉賈斯坦邦(Rajasthan), 德里同粉紅城市齋普爾JAIPUR之間的小鎮Neemrana,有一間山上的古堡酒店Neemrana Fort Palace,真係好懷舊好有FEEL,好似時光倒流中世紀咁架...而佢歷史真係可追溯至1464年的
夜景仲好浪漫添..
喺酒店之中,聽到山上傳來尖叫,原來D人一早上山玩飛天! 我都報左名玩日落團,順道睇日落嘛...之不過,興奮之前,係要辛苦一餐的.. 跟大隊行上山頂，行成千米, 勁辛苦. 上到山頂, 要先練習一下, 教練好鬼認真講解
大家一個跟一個喺呢個小型練習台試飛一次先... 唔使一陣間臨起飛先嚟縮沙嘛..起步、煞停，手指公都唔準亂放, 搞到我鬼咁緊張.
團友話咁快起飛咗喇... 條ZIPWIRE好長呀...
全程五條WIRE,有D長至400米.. 我真係驚自己唔成功去到終點.. 緊張到只識得擺好POSE, 希望個人縮得細粒D..昂後D,就滑得快D.. 完全唔記得要睇風景!!好後悔呀.. 好想玩多次...
萬一真係飛唔到埋岸,就好似佢地咁.. 要一個夾住另一個爬返去喇.... 我.... 都俾人夾左兩次.... 呀.. Neemrana唔只酒店靚,飛天好玩,酒店下面條村都ok喎... 幾有味道的..
最最重要... 抵玩兼抵住,backpackers都afford得起,絕得值得stop by一晚,或兩晚...太多就唔好喇...因為酒店房冇電視.. 而且一日行晒..無謂嘥太多時間.
Flying Fox Neemrana
費用︰成人$160-200、小童$130-$160
時間︰9月每日6場，每程約2小時(先行山,然後飛5條zipwires)
網址︰
www.flyingfox.asia
Neemrana Fort Palace
房價︰單人房$320，最貴套房$3,330/晚
網址︰
www.neemranahotels.com
登入