今日蘇菲 & Tata 有刻意打扮 , 因為中午打算去食法國餐 “Le Vendome”. 曼谷有好幾間法國餐廳係有 dress code (smart casual) 蘇菲專登着咗條裙 ( 無幾何見到 ), 而 Tata 着到好似返工咁 點知去到果間餐廳原來
…
執咗 !!! 白行一趟
…好掃興咁唯有求其揾咗間西餐廳食
lunch.
跟住搭的士去 “Khao Shan”
係一個舊區 , 有 D 似旺角花園街 , 好多街邊檔同鋪頭 …
後記 : 的士司機 ( 阿伯 ) 好喜歡 Tata 成日 , 雖然阿伯唔識講英文 , 佢會用笑容同手勢搭夠 , 成日望住 Tata 笑 , 又拍Tata 聊佢傾計 唔通的士阿伯想揾新抱仔 , 哈哈
行完 ”Khao Shan ” , Tata 帶我地搭船去 China Town 食 dinner, 行咗大概 20 分鐘就到碼頭 , 等咗陣都唔見有船埋岸
,
只見有隻類似軍艦拖住 D 龍舟艇 , 每隻艇上嘅人都着住同色嘅衫 , 我地覺得唔對路 想問個着制服嘅哥哥 ,但佢不斷用手提電話煲粥 唯有一路行 終於見到另一個制服哥哥 , 幾靚仔又識講國語
,
佢話原來今日係軍事訓練所以無無船班 , 吓 … 唉 ,又係白行 …
截咗架的士 上車唔夠 5 分鐘 Sam Sam 叫落車 , 原來佢突然肚痛 要落車方便吓轉眼間攪掂舒服晒 由於截唔到的士 , 此刻 Tata 見到架 “ 無門 “ 巴士 ( 無錯 係無門 )去China Town, 即時衝上車 有個票務姐姐會由車頭行到車尾收錢 , D 錢係放落個類似竹筒嘅物體內 跟住會比兩張紙嘅巴士票 , 好似時光倒流 70 年 越黎越多人上車 好迫好彩有位坐 話咁快就到 China Town, Tata & 蘇菲未到站己經跳咗落車 等埋我呀
China Town好多人 ,好熱鬧 ,好 dirty..
去咗林真香&林宜香買手信先 跟住去咗食魚翅
( 小煲 :300B, 中煲 :500B) & 大頭蝦魚翅無想像中好食因為太鹹
食飽坐 Turk Turk返酒店 , 4 個人坐真係好迫 ,又做沙甸魚乘客 ,司機 “ 片 “車真係有一手, 左 ” 攝 ” 又 ” 攝 ” 好快就到咗 Robinson 落車 , Tata 坐得最辛苦 對腳麻痺到落唔到車 ,辛苦晒 tata.
(好迫呀! )
去到 Robinson 差不多 9 點 , 去咗其中一間按摩店做腳底按摩 , 女按摩師己經放咗工 得番男留守 , 呢次係頭一次比男按摩攪腳底 , 好大力 , 好痛 , 不過都幾舒服 Sam Sam 果個男按摩師都幾靚仔
後記 : Sam Sam 話成個旅程最開心係坐 Turk Turk,好好玩 好喜歡“片 “ 車感覺
登入